Hello World!!!

Сайн байцгаана уу? Энэхүү блогийг уншиж байгаа танд энэ өдрийн мэндийг хүргэж байна. МУИС-ийн МКС-ийн ЭЗМЗ 3 ангийн оюутнууд бидний цахим ертөнцийн нэрийн хуудас болсон энэхүү блог яг энэ цаг мөчөөс эхлэн мэндэлж, танд хүрэхэд бэлэн боллоо. Энэхүү блогоор бид ангийнхнийхаа тухай мэдээллийг хамгийн түрүүнд авч, хичээл болон бусад мэдээллийг унших боломжтой. Тэрчлэн энэхүү блогийн хамгийн гол зорилго болох ангийнхантайгаа илүү дотно нөхөрлөх, ангийн уур амьсгалыг сайжруулах зорилгод хүрэхэд уншигч-ангийн анд та бүхний хичээл зүтгэл, хувь нэмэр хамгийн чухал гэдгийг хэлмээр байна.

 Бид хожмын нэгэн өдөр, арав эсвэл хорин жилийн дараа энэхүү блогоороо дамжуулан их сургуулийн андуутайгаа уулзаж, ярилцаж, зөвлөлдөж, хүүрнэлдэн, тэднийхээ хаана юу хийж байгааг, хэр яажшуухан явж байгааг ч төвөггүйхэн олж, хамтран нөхөрлөх боломжтой билээ.
Өнөөдөр, 9-р сарын 20-ний өдөр. Энэ блогийн, 2008 оны ЭЗМЗ ангийн блогийн төрсөн өдөр болж байна. Блогтоо төрсөн өдрийн гал халуун мэндийг хүргэхийн ялдамд та бүхнийг үргэлж блогтойгоо хамт байж, санал сэтгэгдэл, шүүмжлэлээ харамгүй зориулна гэдэгт найдаж байгаагаа илэрхийлье.
Блог маань олон арван жилийн турш биднийг холбох гүүр нь болж, цахим хуудаснаа мөнхөд үлдээсэй...